Freitag, 17. Februar 2012

Gedankensplitter II


 
Onki und Tant

Wonn mei Onki a weng kleana
und mei Tant a weng gressa wa,
donn warns gleich groß,
oba füa  wos des guat sein soi,
woaß i a net.

Motorradl

Mein Nochba hot a Motorradl
und i koans.
Wonn i oans het und er net,
do schauata da Nochba.

Dressur

Mein Freind sei Kotz schreit Miau,
wonn ma ihr aufn Schwonz steigt.
Wonn ma ihr net aufn Schwonz steigt, schreits a Miau.

Kein Malheur

Wonnst in Schnee einifeust
und dafriast, donn is’s net tragisch,
wei ma di scho vo da Weitn siagt.

Rassenwandlung

An Huaba sein Dackel lauft gern vor da
Mahmaschin dahi. Früara is er a Windhund gwen.

Verlust

Dass i mei Briaftaschl valoan hob, hob i scho vaschmerzt.
Oba hoffentlich fint’s neamt, wei vü Geld drin is.

Keine Kommentare:

Kommentar veröffentlichen